აკაკი წერეთლის სახელობის ქალაქ საჩხერის N1 საჯარო სკოლას, საჩხერე-ჭიათურის ეპარქიის ეპისკოპოსი, მეუფე დანიელი და დედა ელენე სტუმრობდნენ.
„ჩვენს ცხოვრებაში არის ხოლმე დღე, რომელიც „მიუაჩრდილებელი ნათლითაა“ სავსე, ადამიანის სულსა და გულს ბედნიერებით აამზიანებს და დაუვიწყარ დღესასწაულად აქცევს“, - ასე აფასებენ შეხვედრას სკოლაში, რომელიც თბილ გარემოში წარიმართა.
მე-9ა კლასმა, დამრიგებელ ზინა კაპანაძის ხელმძღვანელობით, მოამზადა დედა ელენე ნაფეტვარიძის წიგნის - „სიყვარული გზად და ხიდად“, პრეზენტაცია.
შეხვედრა დასამახსოვრებელი და ემოციებით დატვირთული იყო, როგორც მოსწავლეებისთვის, ასევე სტუმრებისთვის.
სკოლაში განსაკუთრებულ მადლობას უხდიან სტუმრებს, პედაგოგ ზინა კაპანაძეს, მე-9ა კლასის მოსწავლეებსა და მშობლებს.
„ღმერთმა გვიმრავლოს ასეთი დღეები... დიდი მადლი ტრიალებდა ჩვენს სკოლაში... წარუშლელი შთაბეჭდილებით, სიხარულითა და სიყვარულით სავსე იყო ყველა. სული ზეიმობდა...“, - შთაბეჭდილებები, რომლითაც სრულიად სასკოლო საზოგადოება აივსო.
იხილეთ ფოტოები:
