ჭიათურის N2 საჯარო სკოლის მოსწავლეებში სპორტი და სპორტული აქტივობები ძალიან პოპულარულია, ამის ნათელი მაგალითია სხვადასხვა შეჯიბრში მოსწავლეთა მიღწევები.
ამჯერად, სკოლა დიდი სიამაყით გვიამბობს წარმატებული, პატარა სპორტსმენის ისტორიას - სანდრო პაპიძე მეცხრეკლასელია, ის კრივით არის დაკავებული და 52-კგ წონით კატეგორიაში ასპარეზობს. სხვადასხვა დროს მრავალი გამარჯვება აქვს მოპოვებული, არის საქართველოს ეროვნული ნაკრების წევრი, საქართველოს პრიზიორი, ზესტაფონის და ქუთაისის ჩემპიონატების პრიზიორი, ახალციხის ჩემპიონატის ვიცე-ჩემპიონი, მრავალი სახელობითი ტურნირის გამარჯვებული, როგორც რესპუბლიკური, ასევე საერთაშორისო მასშტაბით.
ახლახან, სანდრო პაპიძე გახდა მიმდინარე წლის 17-21 აპრილს ქუთაისში ჩატარებული ა.კაკაურიძის ხსოვნისადმი მიძღვნილი კრივის საერთაშორისო ტურნირის გამარჯვებული. მან პირველი ადგილი და ოქროს მედალი მოიპოვა.
სკოლა ულოცავს სანდროს წარმატებას და მომავალშიც წინსვლას უსურვებს.
იხილეთ ფოტოები:
