თბილისის N9 საჯარო სკოლის მოსწავლეებს რაგბის ფედერაციის წარმომადგენლები ესტუმრნენ
24-04-2024
ნოდარ ახალკაცის სახელობის ქალაქ თბილისის N9 საჯარო სკოლაში სასწავლო წელი აქტიურად და საინტერესოდ მიმდინარეობს.
სკოლას რაგბის ფედერაციის წარმომადგენლები: გიორგი კაჭარავა და ერეკლე კამლაძე, ესტუმრნენ. მათ ბავშვებს რაგბის გაკვეთილები ჩაუტარეს და სახალისო აქტივობები შესთავაზეს.
მოსწავლეებისთვის სპორტული აქტივობები ძალიან დასამახსოვრებელი და საინტერესო აღმოჩნდა. მათ აღნიშნულმა სტუმრობამ სპორტის მიმართ სიყვარული კიდევ უფრო გაუღვივა.
აღსანიშნავია, რომ სკოლაში ჯანსაღი ცხოვრების წესის დამკვიდრებასა და სპორტის პოპულარიზაციას მნიშვნელოვანი ყურადღება ექცევა.
იხილეთ ფოტოები:
სკოლების სიახლეები
