ქუთაისის N38 საჯარო სკოლის დირექცია და პედაგოგები მოსწავლეთა მრავალმხრივ განვითარებასა და მოტივაციის ამაღლებაზე ზრუნავენ. სწორედ ამიტომ, მათ საინტერესო და შემეცნებით აქტივობებს სთავაზობენ.
ამჯერად, VII კლასელებმა პროექტი „ადამიანი მუდამ ადამიანია“ განახორციელეს. პროექტის ფარგლებში, ისინი დირექციისა და ქართული ენისა და ლიტერატურის კათედრის წევრების ხელმძღვანელობით, ნიკო ლორთქიფანიძის სახლ-მუზეუმს ესტუმრნენ, სადაც წარადგინეს მუსიკალურ-ლიტერატურული კომპოზიცია.
ბავშვებმა აღნიშნულ დღეს შემოქმედებითი უნარები შესანიშნავად წარმოაჩინეს და დრო ნაყოფიერად გაატარეს.
მოსწავლეთა პედაგოგები: მაკა უჩაძე, ლალი მილორავა გახლდათ.
მიუხედავად იმისა, სასწავლო წელი მალე დასრულდება, პროფესიონალი პედაგოგების მხარდაჭერით, მოსწავლეებს მოტივაცია არ დაუკარგავთ, ენთუზიაზმით არიან ჩართულები საგაკვეთილო პროცესში და სასკოლო ღონისძიებებშიც დიდი ინტერესით მონაწილეობენ.
იხილეთ ფოტოები:
