ჩოხატაურის მუნიციპალიტეტის სოფელ ზემოსურების საჯარო სკოლაში გაცნობიერებული აქვთ, რამდენად მნიშვნელოვანია მოსწავლეთა ეკოცნობიერების ამაღლება.
სწორედ ამ მიზნით, სკოლაში განსაკუთრებულად აღინიშნა დედამიწის დღე, ღონისძიებით - „დედამიწა ცოცხალი არსებაა, მუდამ სჭირდება მოფრთხილება“.
ღონისძიებაში დაწყებითი კლასის მოსწავლეები მასწავლებლის - მარიამ ვაჩეიშვილის ხელმძღვანელობით მონაწილეობდნენ.
მოსწავლეებმა გაიაზრეს ამ დღის არსი და მნიშვნელობა, ისაუბრეს მისი დაარსების ისტორიაზე და აღნიშნეს თუ რა როლი აქვს თითოეულ ადამიანს ჯანსაღი ეკოლოგიური გარემოს შექმნაში.
ცნობისთვის, დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი ყოველწლიურად აღინიშნება 193 ქვეყანაზე მეტში.
იხილეთ ფოტოები:
