დაბა თიანეთის N2 საჯარო სკოლის მე-3 კლასის მოსწავლეები წიგნებით დასაჩუქრდნენ
24-04-2024
დაბა თიანეთის N2 საჯარო სკოლის მე-3 კლასის მოსწავლეები მხატვრული ლიტერატურით დასაჩუქრდნენ.
მოსწავლეებმა, 23 აპრილს - წიგნისა და საავტორო უფლებების დაცვის საერთაშორისო დღეს, წიგნები თანაკლასელის ემიგრანტი მშობლისგან მიიღეს. აღნიშნული წიგნები მათ ბიბლიოთეკარმა - ნადია უშიკიშვილმა გადასცა.
საჩუქრებმა ბავშვები ძალიან გაახარა და გააბედნიერა.
ამავე დროს, აღსანიშნავია, რომ ბავშვები თბილისის სკოლა-ლიცეუმ „პრომეთეს“ უმზადებენ წიგნს სახელწოდებით „ლეგენდა თიანეთზე“.
მათი სლოგანია - „წიგნი ჩვენი მეგობარია“.
აღსანიშნავია, რომ მსგავსი აქტივობები მოსწავლეებს წიგნების მიმართ სიყვარულს უღვივებს და მათ კითხვის მოტივაციას უმაღლებს.
იხილეთ ფოტოები:
სკოლების სიახლეები
