ამბროლაურის მუნიციპალიტეტის სოფელ წესის საჯარო სკოლაში დედამიწის დღისადმი მიძღვნილი აქტივობები ყოველთვის იმართება.
ამჯერადაც არ ყოფილა გამონაკლისი.
ამ დღესთან დაკავშირებით, სკოლაში, საინტერესო აქტივობა „დედამიწა ჩვენი სახლია“ ჩატარდა.
აქტივობის ფარგლებში I-IV კლასის მოსწავლეებმა თემატური ნამუშევრები შექმნეს და ასევე, ამ დღისადმი მიძღვნილი ვიდეორგოლი ნახეს.
მათ, საკლასო ოთახში გამოფინეს ნამუშევრები, სკოლის ეზოში დარგეს ყვავილის ნერგები, მე-7 კლასის მოსწავლეებმა კი სკოლის მიმდებარე ტერიტორია დაასუფთავეს.
ღონისძიება მოამზადეს დაწყებითი კლასის დამრიგებლებმა: მაია ჯელაძემ, ნათელა ნატმელაძემ და გეოგრაფიის პედაგოგმა - მაკა დვალმა.
ეს დღე საინტერესო და დასამახსოვრებელი იყო.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი ყოველწლიურად აღინიშნება 193 ქვეყანაზე მეტში.
იხილეთ ფოტოები:
