ნინოწმინდის მუნიციპალიტეტის სოფელ განძის N2 საჯარო სკოლის მასწავლებლები მოსწავლეებს საინტერესო და მამოტივირებელ აქტივობებს სთავაზობენ, რითაც სასწავლო პროცესს კიდევ უფრო ამრავალფეროვნებენ. 

ამჯერად, ხატვის მასწავლებელ - ვანიკ თევანიანის ხელმძღვანელობით, შემოქმედებითი გაკვეთილი - „გამარჯობა, გაზაფხულო“ ჩატარდა. მის ფარგლებში მე-5 - მე-11 კლასების მოსწავლეებმა ფანტაზიას გასაქანი მისცეს, თემატური ნამუშევრები შექმნეს, დრო სასიამოვნოდ გაატარეს და შესაძლებლობები გამოავლინეს. 

როგორც სკოლაში გვიყვებიან, მასწავლებლის რჩევა და მხარდაჭერა თითოეულ მოსწავლეს საკუთარი ინდივიდუალური სტილის პოვნასა და საკუთარი თავის, ხატვის საშუალებით, გამოხატვაში დაეხმარა.

„გაკვეთილი გადაიქცა ნამდვილ შემოქმედებით მოგზაურობად. თითოეულმა მათგანმა ბუნების საკუთარი უნიკალური ლანდშაფტი დახატა“,- ამბობენ სკოლაში. 

იხილეთ ვიდეო და ფოტოები: