ერკეთის საჯარო სკოლის სპორტისა და ესთეტიკის კათედრის ორგანიზებით, მეზობელ სკოლებს შორის მინი-ფეხბურთში ამხანაგური შეხვედრები მიმდინარეობს
ჩოხატაურის მუნიციპალიტეტის სოფელ ერკეთის საჯარო სკოლის პროფესიონალ პედაგოგთა გუნდი მოსწავლეთა სპორტითა და ჯანსაღი ცხოვრების წესით დაინტერესებაზე ზრუნავს.
ამ მიმართულებით, სასწავლო წლის განმავლობაში, არაერთი თემატური აქტივობა იმარეთება. მინი-ფეხბურთში, მეზობელ სკოლებს შორის, ერკეთის საჯარო სკოლის სპორტისა და ესთეტიკის კათედრის ორგანიზებულმა ამხანაგურმა შეხვედრებმა დიდი გამოხმაურება ჰპოვა.
გუთურისა და ჩაისუბნის საჯარო სკოლების შემდეგ, ერკეთის საჯარო სკოლაში ბუკისციხის საჯარო სკოლის მოსწავლეებს უმასპინძლეს.
შეხვედრა თბილი, მეგობრული და გულშემატკივრების ემოციებით დატვირთული იყო, შედეგიც „მეგობრული“ დადგა, ის ანგარიშით - 3:3 დამთავრდა.
ამხანაგური შეხვედრები კვლავ გრძელდება.
იხილეთ ფოტოები: