„დედამიწა ჩვენი სახლია“ - გუმათის საჯარო სკოლის მოსწავლეთა გზავნილი და გარემოსდაცვითი აქტივობები
23-04-2024
წყალტუბოს მუნიციპალიტეტის სოფელ გუმათის საჯარო სკოლაში ტრადიციულად აღინიშნა დედამიწის დღე.
„სუფთა და ჯანსაღი გარემოსთვის ბრძოლა სულ უფრო აქტუალური ხდება“ - გუმათის საჯარო სკოლა ყოველწლიურად იზიარებს ამ გლობალურ გამოწვევას.
ამ დღესთან დაკავშირებით, სკოლაში მოეწყო საინტერესო აქტივობები, მოსწავლეებმა შექმნეს პლაკატი-სახელწოდებით - „დედამიწა ჩვენი სახლია“.
მოსწავლეებმა ასევე დაასუფთავეს სკოლის მიმდებარე ტერიტორია და სკოლის ეზოში ყვავილები დარგეს.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი ყოველწლიურად აღინიშნება 193 ქვეყანაზე მეტში.
იხილეთ ფოტოები:
სკოლების სიახლეები
