ხულოს მუნიციპალიტეტის სოფელ განახლების საჯარო სკოლის მოსწავლეთა დედამიწის დღისადმი მიძღვნილი ფლეშმობი და შემეცნებითი აქტივობები
ხულოს მუნიციპალიტეტის სოფელ განახლების საჯარო სკოლაში მნიშვნელოვანი თარიღები შესაბამისი ღონისძიებებით აღინიშნება.
ამჯერად, მესამეკლასელები დედამიწის დღის აღნიშვნას შეუერთდნენ. დასაწყისისთვის მოსწავლეებმა რამდენიმე კითხვას უპასუხეს. კერძოდ: რა სმენიათ ან რა ინფორმაციას ფლობენ დედამიწის დღის შესახებ? რატომ დაარსდა ეს დღე და რა ხდება ამ დღეს? როგორ ესმით გამოთქმა - „დედამიწა ჩვენი სახლია“?
შემდეგ მათ ვიდეოფილმი - „დედამიწის დღე“ ნახეს. შემდეგ გამოთქვეს მოსაზრებები, როგორც ზოგადად დედამიწის, ასევე დედამიწის დღის შესახებ. მოსწავლეებმა ისაუბრეს, თუ რის განხორციელებას აპირებდნენ ამ დღის აღსანიშნავად.
მესამეკლასელებმა სიმღერას - „გამარჯობა დედამიწა“ მოუსმინეს და შემდეგ ერთად შეასრულეს.
აღსანიშნავია, რომ მათ მწვანე კალენდარს მნიშვნელოვანი დღეები დაამატეს და შესაბამისი ლოგოებით, ნახატებით აღნიშნეს ეს დღეები.
საბოლოო პროდუქტი კი იყო ფლეშმობი -„დედამიწის დღე“ და აქცია - „დავასუფთაოთ დედამიწა“.
სკოლის ეზოში გამართული ფლეშმობის თემა „დედამიწის დღე“ იყო, მასში დაწყებითი კლასების I, II და IV კლასის მოსწავლეებიც მონაწილეობდნენ. ღონისძიება კითხვა-პასუხის რეჟიმში წარიმართა. შემდეგ კი, მოსწავლეებმა დასუფთავებისათვის საჭირო რესურსი მოიმარჯვეს და სკოლის მიმდებარე ტერიტორიაზე მოაწყვეს აქცია - „დავასუფთაოთ დედამიწა“.
ფლეშმობზე მოსწავლეებს ესაუბრნენ დაწყებითი კლასების მასწავლებლები - ნაზიბროლა ბოლქვაძე და ლია ბოლავაძე, ასევე მიწვეული იყო ამავე სკოლის ბიოლოგიის მასწავლებელი: ნინო შაინიძე, რომელიც მოსწავლეებს გარემოსდაცვით ღონისძიებებზე ესაუბრა.