ლადო ასათიანის სახელობის ცაგერის მუნიციპალიტეტის სოფელ ბარდნალის საჯარო სკოლის პედაგოგები, დირექტორის - მთვარისა ახვლედიანის ხელმძღვანელობით, ღირსეულ მოქალაქეებს ზრდიან და გარდა საგნობრივი დისციპლინებისა, ახალგაზრდებს გარემოს დაცვას ასწავლიან და მათი ეკოცნობიერების ამაღლებაზე ზრუნავენ.
შესაბამისად, სკოლაში განსაკუთრებულად აღინიშნა ისეთი გარემოსდაცვითი დღესასწაული, როგორიც დედამიწის დღეა.
დედამიწის დღესთან დაკავშირებით, ლადო ასათიანის სახელობის ბარდნალის საჯარო სკოლაში არაერთი სახალისო და საინტერესო აქტივობა განხორციელდა სკოლის დირექციის, ბიოლოგიის მასწავლებელ ნატო ხეცურიანის, ქიმიის მასწავლებელ ლამზირა ონიანის, ინგლისური ენის მასწავლებელ თეონა ფრუიძის, მესამე კლასის ბუნების მასწავლებელ სოფიო მიქაძისა და სკოლის თვითმმართველობის (ხელმძღვანელი სამოქალაქო განათლების მასწავლებელი ირმა ლიპარტელიანი) ხელმძღვანელობით.
მოსწავლეებმა დაასუფთავეს და მოხატეს სკოლის ეზო, შექმნეს პოსტერები, მოამზადეს საინტერესო პრეზენტაციები, გადაიღეს ვიდეოები, დარგეს მწვანე ნერგები, ბოლოს კი ერთობლივად ნახეს ფილმი, რომლის შემდეგაც გამოხატეს თავიანთი შთაბეჭდილებები.
„მეტად მნიშვნელოვანია, რომ მოზარდებს თავიდანვე შევაყვაროთ ჩვენი საერთო „სახლი“ და ვასწავლოთ მასზე ზრუნვა“,- აღნიშნავენ სკოლაში.
იხილეთ ფოტოები:
