ახალქალაქის მუნიციპალიტეტის სოფელ პტენის საჯარო სკოლაში მოსწავლეებს გარემოს დაცვასა და მოფრთხილებას აქტიურად ასწავლიან. ამიტომ, სკოლაში, არაერთი საინტერესო გარემოსდაცვითი აქტივობა იმართება.
ამჯერად, სკოლაში, დედამიწის დღე აღინიშნა.
ინგლისური ენის პედაგოგის - თეა თოთაძის ხელმძღვანელობით, მოსწავლეებმა ინგლისურენოვანი ნამუშევრები - პლაკატები, კედლის გაზეთი შექმნეს.
მათ, ამ დღის მნიშვნელობას კიდევ ერთხელ გაუსვეს ხაზი და ცოდნა წარმოაჩინეს.
აქტივობებში ისინი ხალისით, ინტერესითა და ენთუზიაზმით იყვნენ ჩართულნი.
დედამიწის დღე ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი ყოველწლიურად აღინიშნება 193 ქვეყანაზე მეტში.
იხილეთ ფოტოები:
