ილო მოსაშვილის სახელობის სიღნაღის მუნიციპალიტეტის სოფელ ვაქირის საჯარო სკოლის პედაგოგები მოსწავლეებს გარემოს დაცვასა და მოფრთხილებას დაწყებითი კლასებიდანვე ასწავლიან.
ამჯერად, სკოლის მე-3 და მე-4 კლასების მოსწავლეებმა დედამიწის დღე აღნიშნეს.
მოსწავლეებმა ისაუბრეს, რომ ადამიანის როლი და მნიშვნელობა ბუნებაზე ზემოქმედებისას მნიშვნელოვანია, გამოხატეს საკუთარი აზრი და მოისმინეს რეკომენდაციები როგორ იზრუნონ ბუნებაზე.
მოსწავლეებმა შექმნეს თემატური ნახატები და მოაწყვეს გამოფენა. მათ ხელმძღვანელობდა მასწავლებელი ნინო ვარდიაშვილი.
აქტივობებში ისინი დიდი ენთუზიაზმითა და ხალისით იყვნენ ჩართულნი.
დედამიწის დღე ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი ყოველწლიურად აღინიშნება 193 ქვეყანაზე მეტში.
იხილეთ ფოტოები:
