ნინოწმინდის მუნიციპალიტეტის სოფელ თორიის საჯარო სკოლაში საინტერესო და მოსწავლეთა მამოტივირებელი აქტივობები ხშირად ეწყობა. ამჯერად, სკოლაში ინტელექტუალური თამაში - „რა? სად? როდის?“ გაიმართა, რომელსაც ისტორიის მასწავლებელი - მკრტიჩ ლოქიანი ხელმძღვანელობდა.
თამაშში სამი შვიდკაციანი გუნდი მონაწილეობდა, რომელთა შემადგენლობაში მე-8 - მე-12 კლასების მოსწავლეები იყვნენ. მათ კითხვებს სხვადასხვა საგნიდან უპასუხეს. ასევე, მონაწილეებს ცნობილი ადამიანების სურათებისა და სიმბოლოების გამოცნობა მოუწიათ.
როგორც სკოლაში გვიყვებიან, მათ შეჯიბრს თავი ძალიან კარგად გაართვეს. გამარჯვება კი გუნდმა - „ლიდერები“ მოიპოვა, რომლის წევრებსაც სიგელები გადაეცათ.
იხილეთ ფოტოები: