ყვარლის მუნიციპალიტეტის სოფელ კუჭატნის საჯარო სკოლაში დედამიწის დღე განსაკუთრებულად აღინიშნა.
სკოლაში, დედამიწის დღისადმი მიძღვნილი კვირეული ჩატარდა, რომლის ფარგლებში, ბავშვებმა უამრავი აქტივობა განახორციელეს.
ერთ-ერთი ასეთი აქტივობა იყო ამ დღესთან დაკავშირებით გამართული ღონისძიება, რომელიც სკოლის ეკოკლუბის ორგანიზებით გაიმართა. მასში, ყველა კლასიდან იყვნენ ჩართულნი მოსწავლეები.
ღონისძიება მოიცავდა რამდენიმე სახალისო აქტივობას დედამიწის თემატიკაზე, მათ შორის იყო: ფაზლების აწყობა, გაფერადება, ნარჩენების სეპარაცია, სიტყვების აწყობა.
ბავშვები ხალისით და მონდომებით ასრულებდნენ მიცემულ დავალებებს. თითოეულ აქტივობას ობიექტური ჟიური აფასებდა.
სულ მონაწილეობდა 4 გუნდი. აქედან გამარჯვებული გუნდი დირექციისგან დასაჩუქრდა წიგნებით.
ყველა მონაწილეს, მათ შორის, ჟიურის წევრებს და სხვა დამხმარე მონაწილეებს გადაეცათ სერტიფიკატები.
„ბავშვებმა, თავის მხრივ,გამოხატეს მზადყოფნა, ხშირად მიიღონ მონაწილეობა ასეთ სახალისო აქტივობებსა და თამაშებში“, - გვიყვებიან სკოლაში.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი ყოველწლიურად აღინიშნება 193 ქვეყანაზე მეტში.
იხილეთ ფოტოები:
