ყვარლის მუნიციპალიტეტის სოფელ საბუეს საჯარო სკოლაში სასწავლო წლის განმავლობაში, არაერთი საინტერესო აქტივობა იმართება, რომელშიც ბავშვები დიდი ენთუზიაზმით ერთვებიან.
ამჯერად, სკოლის VIII და IX კლასების მოსწავლეებმა ჩაატარეს ერთობლივი კონფერენცია თემაზე - „ქიმიური ელემენტების, მათი ნაერთების და ვიტამინების ჭარბ-ნაერთების გავლენა ადამიანის ორგანიზმზე“.
როგორც სკოლაში აღნიშნავენ, თემის მიზანი იყო გარკვევა - რა დადებითი და უარყოფითი შედეგი შეიძლება მოუტანოს ქიმიური ნაერთების და ვიტამინების სიჭარბემ და ნაკლებობამ ადამიანის ჯანმრთელობას.
ბავშვებმა თემასთან დაკავშირებით, საინტერესო ინფორმაციები მოიძიეს და ცოდნა აიმაღლეს.
კონფერენციის ორგანიზატორები პედაგოგები - ნათია კონჭოშვილი და მაგული ველიაშვილი იყვნენ.
მსგავსი გაკვეთილები და აქტივობები მოსწავლეთა მრავალმხრივ განვითარებას უწყობს ხელს.
იხილეთ ფოტოები:
