ოტია იოსელიანის სახელობის ქალაქ წყალტუბოს N1 საჯარო სკოლის VIIIბ კლასის მოსწავლეებისთვის შთამბეჭდავი, სასწავლო-შემეცნებითი გასვლითი ღონისძიება მოეწყო.
მე-8 კლასელები ესტუმრნენ ქუთაისის აკაკი წერეთლის სახელმწიფო უნივერსიტეტის ზოოლოგიის მუზეუმს, სადაც მოსწავლეებს უმასპინძლა აწსუ-ს პროფესორმა და ამავე სკოლის ბიოლოგიის მენტორმა მასწავლებელმა ნატალია მანდარიამ.
როგორც სკოლაში გვეუბნებიან, მოსწავლეები ძალიან დაინტერესდნენ ცხოველთა მრავალფეროვნებით და გასაოცარი მასალებით, რომელიც წარმოდგენილი იყო მუზეუმში, მათ შორის მსოფლიოს ისეთი ექსპონატებით რომელიც ავსტრალიის კონტინენტზეა გავრცელებული და ხმელთაშუაზღვის მრავალფეროვანი მოლუსკების სახეობების სიმრავლით. ისინი დარწმუნდნენ ქიმიური ნივთიერების - ფორმალინის უნიკალური თვისებით, რადგანაც ათეული წლების განმავლობაში მასში შენახული ცხოველები დაუზიანებელი სახით იყო წარმოდგენილი.
სკოლაში ნატალია მანდარიას მასპინძლობისთვის მადლობას უხდიან.
იხილეთ ფოტოები:
