წალენჯიხის მუნიციპალიტეტის ლიის თემის N2 საჯარო სკოლაში დედაენის დღე გამორჩეულად აღინიშნა.
ამ დღესთან დაკავშირებით, სკოლაში, გაერთიანებული პროექტ-ღონისძიება, სახელწოდებით: „ენა, მამული, სარწმუნოება“ ჩატარდა. ღონისძიებას ხელმძღვანელობდნენ სკოლის ქართული ენისა და ლიტერატურის მასწავლებლები - თამილა ჭაჭუა, ლანა კაკაჩია, ასმათ კვარაცხელია და შორენა გოგოხია.
ღონისძიებას ხელმძღვანელობდნენ ლიის თემის მე-2 საჯარო სკოლის ქართული ენისა და ლიტერატურის მასწავლებლები: თამილა ჭაჭუა, ლანა კაკაჩია, ასმათ კვარაცხელია და შორენა გოგოხია.
ბავშვებმა, ღონისძიებაზე, ლექსები წაიკითხეს, იმღერეს, იცეკვეს, შემოქმედებითი უნარები წარმოაჩინეს და დამსწრე საზოგადოების დიდი მოწონება დაიმსახურეს.
ღონისძიებას ესწრებოდნენ მშობლები, სკოლის დირექტორი მარინე ჯანჯღავა და მასწავლებლები.
შეგახსენებთ, რომ 1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა. საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული გახდა დაეთმო. ამ მოვლენების გამო 14 აპრილი დედაენის დღედ გამოცხადდა.
იხილეთ ფოტოები:
