ქუთაისის N7 საჯარო სკოლაში მოსწავლეებს პატრიოტული სულისკვეთებით ზრდიან და შთააგონებენ იმ ღირებულებებს, რის ფასადაც საქართველომ მრავალ ჭირ-ვარამს გაუძლო.
ცხადია საკოლაში განსაკუთრებულად აღინიშნა 9 აპრილიც - დღე ტკივილისა და დღე გამარჯვების.
მოსწავლეებმა არც ისე შორეულ წარსულში „იმოგზაურეს“ და გაიხსენეს, რომ 1989 წლის 9 აპრილს, გამთენიისას საბჭოთა კავშირის შეიარაღებული ძალების ნაწილებმა პარლამენტის შენობასთან მშვიდობიანი საპროტესტო აქცია დაარბიეს, რასაც ადამიანების მსხვერპლი მოჰყვა.
1991 წლის 9 აპრილს უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
საინფორმაციო კამპანიის ფარგლებში, მოსწავლეებმა მოიძიეს ინფორმაცია, მოამზადეს პრეზენტაციები, გააკეთეს ფაქტების მიმოხილვა, გამართეს დისკუსია, იმსჯელეს 9 აპრილის მნიშვნელობის შესახებ და ბოლოს, გაანალიზეს ოთარ ჭილაძის სიტყვა- „ვგმობ სისასტიკეს!“.
დღე ემოციური, დასამახსოვრებელი და შთაბეჭდილებებით აღსავსე აღმოჩნდა.
იხილეთ ფოტოები:
