ამბროლაურის მუნიციპალიტეტის სოფელ ხვანჭკარის საჯარო სკოლაში სპორტის პოპულარიზაციასა და მოსწავლეების წახალისებას ჩაერთონ სხვადსხვა შეჯიბრში დიდი ყურადღება ეთმობა.
ამჯერად სკოლა ამაყია პატარა სპორტსმენების რეგიონულ თამაშებში მიღწეული წარმატებით.
აღსანიშნავია, რომ ამბროლაურის მუნიციპალიტეტში, „სასკოლო სპორტული ოლიმპიადა 2024“ - ის ფარგლებში, გაიმართა რაჭა-ლეჩხუმ ქვემო სვანეთის რეგიონული თამაშები.
აღნიშნულ ღონისძიებაში რეგიონში შემავალი მუნიციპალიტეტების საჯარო სკოლების გოგონებისა და ბიჭების გუნდები მონაწილეობდნენ.
ხვანჭკარის საჯარო სკოლის გოგონების და ბიჭების გუნდებმა გაიმარჯვეს ბადმინტონში და დასავლეთ საქართველოს ზონალურ თამაშებში მონაწილეობის საგზურიც მოიპოვეს.
აღსანიშნავია, რომ სპორტის მასწავლებელი კახაბერ სურგულაძე გახლავთ.
„ვულოცავთ ჩვენი სკოლის მოსწავლეებს ამ გამარჯვებას და ვუსურვებთ წარმატებებს“, - აღნიშნავენ სკოლაში.
იხილეთ ფოტოები:
