ნინოწმინდის მუნიციპალიტეტის სოფელ დილითის საჯარო სკოლაში მოსწავლეთა სპორტითა და ჯანსაღი ცხოვრების წესით დაინტერესებაზე პროფესიონალ პედაგოგთა გუნდი ზრუნავს. 

სასიამოვნო ფაქტია, რომ მათი შრომა ფასდება, მოსწავლეები გამოწვევებს არ უშინდებიან და არაერთ თემატურ ღონისძიებაში ერთვებიან. ამჯერად, ისინი სომხეთში, კარატეში „შინ-კიო-კუშინ“ სტილში გამართულ შეჯიბრში მონაწილეობდნენ. 

მოსწავლეებმა სპორტული შესაძლებლობები გამოავლინეს და ღირსეულად იასპარეზეს. შედეგად კი, პირველი ადგილი დაიკავეს: ნარე კირაკოსიანმა და სონა ბარსეღიანმა; მეორე ადგილზე გავიდნენ - ერიკ ბარსეღიანი და გრიშა ჩოპურიანი, ხოლო მესამე ადგილი თათევოს ბარსეღიანს, გორ მურადიანს, ნარეგ ახოიანსა და მამიკონ ასატრიანს ერგოთ. 

სკოლაში მათი მიღწევით ხარობენ და ამაყობენ. 

იხილეთ ფოტოები: