იოსებ ოცხელის სახელობის ქუთაისის N2 საჯარო სკოლაში დედაენის დღეს საინტერესო პროექტ-გაკვეთილი მიეძღვნა
15-04-2024
იოსებ ოცხელის სახელობის ქალაქ ქუთაისის N2 საჯარო სკოლის მასწავლებლები ზრუნავენ, რომ მოსწავლეებმა სახელმწიფო ენის მნიშვნელობა და მისი ისტორია ნათლად გაიაზრონ.
ამიტომაც, ბუნებრივია, რომ სკოლაში დედაენის დღე აღინიშნა. ქართული ენის დღისადმი მიძღვნილი კვირეულის ფარგლებში, ქართული ენისა და ლიტერატურის მასწავლებლის - სოფიო ტყეშელაშვილის ხელმძღვანელობით, IXბ კლასში (კლასის დამრიგებელი ბელა ხეცურიანი) პროექტ-გაკვეთილი - „14 აპრილი - საქართველოს სახელმწიფო ენის დღე!“, ჩატარდა.
ამიტომაც, ბუნებრივია, რომ სკოლაში დედაენის დღე აღინიშნა. ქართული ენის დღისადმი მიძღვნილი კვირეულის ფარგლებში, ქართული ენისა და ლიტერატურის მასწავლებლის - სოფიო ტყეშელაშვილის ხელმძღვანელობით, IXბ კლასში (კლასის დამრიგებელი ბელა ხეცურიანი) პროექტ-გაკვეთილი - „14 აპრილი - საქართველოს სახელმწიფო ენის დღე!“, ჩატარდა.
პროექტ-გაკვეთილზე მოსწავლეებმა პრეზენტაციები, ვიდეორგოლები, პოსტერები და ბროშურები წარადგინეს. მათ ქართული ენის დაცვაზე, მის მნიშვნელობაზე, ენის წაროშობასა და განვითარების ისტორიაზე ისაუბრეს. გარდა ამისა, წაიკითხეს ქართული ენისადმი მიძღვნილი ლექსები და რაც მთავარია, გაიხსენეს 1978 წელს განვითარებული ისტორიული მოვლენები, რომლებიც საფუძვლად დაედო სახელმწიფო ენის თარიღის დაარსებას.
შეგახსენებთ, რომ 1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა. საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული გახდა დაეთმო. ამ მოვლენების გამო 14 აპრილი დედაენის დღედ გამოცხადდა.
იხილეთ ფოტოები:
იხილეთ ფოტოები:
სკოლების სიახლეები
