მარტვილის მუნიციპალიტეტის სოფელ დიდი ჭყონის N1 საჯარო სკოლაში ქვეყნისათვის მნიშვნელოვანი თარიღები ყოველთვის განსაკუთრებით აღინიშნება, გამონაკლისი არც დედაენის დღე ყოფილა.
ამ დღესთან დაკავშირებით, მე-3 კლასის მოსწავლეებმა, პედაგოგის ნატო ნანავას ხელმძღვანელობით, ღონისძიება გამართეს, ისაუბრეს ამ დღის არსსა და მნიშვნელობაზე, განიხილეს თუ რამდენად მნიშვნელოვანია საქართველოს თვითმყოფადობისთვის ენა და მისთვის ბრძოლა.
მოსწავლეებმა დედაენისადმი მიძღვნილი ლექსები მხატვრულად წაიკითხეს, ამ თემატიკის ბარათები და პლაკატები დაამზადეს და საკალასო ოთახში განათავსეს.
შეგახსენებთ, რომ 1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა. საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული გახდა დაეთმო. ამ მოვლენების გამო 14 აპრილი დედაენის დღედ გამოცხადდა.
იხილეთ ფოტო და ვიდეომასალა:
