მარტვილის მუნიციპალიტეტის სოფელ დიდი ჭყონის N1 საჯარო სკოლის პედაგოგმა ნატო ნანავამ, 1-ელ კლასში პატრიოტული მოტივებით განმსჭვალული ღონისძიება ჩაატარა.
ღონისძიება დედაენის დღეს მიეძღვნა და მასში მოსწავლეები დიდი ინტერესით ჩაერთნენ, პედაგოგმა მოსწავლეებს დედაენის ღირებულებებზე ესაუბრა და განუმარტა, თუ რამდენად მნიშვნელოვანია ქვეყნის თვითმყოფადობისთვის ენის დაცვა.
ღონისძიებაზე, პირველკლასელებმა დედაენისადმი მიძღვნილი ლექსები მხატვრულად გააჟღერეს და დღე მეტად ემოციური გახადეს.
ცნობისთვის, 14 აპრილს საქართველოში დედაენის დღე აღინიშნება. ეს დღე 1978 წლის მოვლენების აღსანიშნავად 1990 წლიდან დაწესდა. 1978 წლის 14 აპრილს, საბჭოთა კავშირის კომუნისტური პარტიის ქართული ენის კონსტიტუციური სტატუსის შეცვლის მცდელობას საპროტესო აქცია მოჰყვა. რუსთაველის გამზირზე შეკრებილმა რამდენიმე ათასმა ადამიანმა სიცოცხლის რისკის ფასად დაიცვა ქართული ენა.
იხილეთ ფოტოები:
