ჭიათურის მუნიციპალიტეტის სოფელ კაცხის საჯარო სკოლაში სასწავლო პროცესი მოსწავლეთა მამოტივირებელი და შესაძლებლობების წარმოჩენაზე ორიენტირებული აქტივობებითაა გაჯერებული. 

ახლახან, სკოლაში მათემატიკის სახალისო ინტელექტუალური შეჯიბრი ჩატარდა, რომელშიც მე-9 - მე-12 კლასების მოსწავლეები, შერეულ გუნდებად, მონაწილეობდნენ. მათ, პირველ ეტაპზე, 10 საშუალო დონის შეკითხვას უპასუხეს.

გაიმართა სახალისო მათემატიკური ფიგურის ტური და კაპიტნების დამოუკიდებელი ბლიცის შეკითხვების ეტაპი. შეჯიბრში სხვადასხვა რესურსი გამოიყენეს, მოსწავლეებმა ყურსასმენები გაიკეთეს და მათემატიკური სიტყვები ისე ამოიცნეს. თამაში დროის ფაქტორზე იყო დამოკიდებული.

ბოლოს, გამარჯვებული გუნდი დაჯილდოვდა. კონკურსის მიზანი იყო მოსწავლეებში მათემატიკის სიყვარულის გაღვივება და ხალისით სწავლის ხელშეწყობა.