სოფიკო ჭიაურელის სახელობის ქალაქ თბილისის N54 საჯარო სკოლაში სასწავლო წლის განმავლობაში არაერთი საინტერესო და მოსწავლეთა მრავალმხრივ განვითარებაზე ორიენტირებული აქტივობა ტარდება.
ამჯერად, სოლის მე-6 ბ კლასში განხორციელდა პროექტი თემაზე - „იქნებ ვაზია სამშობლო?“.
მოსწავლეებმა ისაუბრეს ვაზის კულტივირების, ქართული ღვინის ისტორიის, ღვინოსთან დაკავშირებული უძველესი ქართული წეს-ჩვეულებების შესახებ.
„მათ ასევე საინტერესოდ ისაუბრეს ვაზის მოტივებზე ქართულ ხელოვნებაში, კინოში, მუსიკაში, იმ ეკონომიკურ სარგებელზე, რომელსაც ჩვენი ქვეყანა იღებდა და იღებს დღემდე“, - გვიყვებიან სკოლაში.
პრეზენტაციაზე მიწვეულნი იყვნენ მშობლები, რომლებიც ინტერესით ადევნებდნენ თვალს წარმოდგენილ მასალებს.
აღნიშნულ პროექტში მოსწავლეები დიდი ინტერესით, ხალისითა და მონდომებით იყვნენ ჩართულნი.
მე-6 ბ კლასის ხელმძღვანელი და ისტორიის მასწავლებელი მარიამ მამულაშვილი გახლავთ.
აღსანიშნავია, რომ მსგავსი აქტივობები და პროექტები მოსწავლეთა მრავალმხრივ განვითარებას, სასწავლო პროცესში მათი ჩართულობის გაზრდას უწყობს ხელს.
იხილეთ ფოტოები:
