ახალქალაქის მუნიციპალიტეტის სოფელ აზმანის საჯარო სკოლაში სასწავლო წელი აქტიურად მიმდინარეობს, მნიშვნელოვანი თარიღები კი ყოველთვის შესაბამისად აღინიშნება.
ამჯერად, აქტივობა 9 აპრილს მიეძღვნა. თარიღის შესახებ მოსწავლეებმა ისაუბრეს, თემატური ნამუშევარი მოამზადეს, შესაძლებლობები გამოავლინეს და 1989 წლის 9 აპრილს დაღუპულთა ხსოვნას პატივი მიაგეს.
მოსწავლეებმა კედლის გაზეთზე ტრაგიკული მოვლენები დაიტანეს და 9 აპრილის გმირებს თავისუფლებისთვის მადლობა გდაუხადეს.
შეგახსენებთ, რომ 1989 წლის 9 აპრილს გამთენიისას თბილისში, რუსთაველის გამზირზე, საბჭოთა კავშირის სადამსჯელო ნაწილებმა მშვიდობიანი საპროტესტო აქცია დაარბიეს. შედეგად, დაიღუპა 21 ადამიანი, 2000-ამდე პირი კი მოიწამლა. ზუსტად 2 წლის შემდეგ, საქართველოს უზენაესმა საბჭომ, ზვიად გამსახურდიას მეთაურობით, საქართველოს დამოუკიდებლობის აქტი მიიღო. 9 აპრილი საქართველოს უახლეს ისტორიაში ტრაგედიისა და ამავდროულად, საქართველოს დამოუკიდებლობის აღდგენის დღედ ჩაეწერა.
იხილეთ ფოტოები:
