ახალქალაქის მუნიციპალიტეტის სოფელ ბეჟანოს საჯარო სკოლაში სახელმწიფო ენის სწავლებას დიდი ყურადღება ეთმობა, სასწავლო პროცესის გასამრავალფეროვნებლად კი, მასწავლებლები სხვადასხვა აქტივობას აწყობენ. 

ამჯერად, მეოთხე კლასში, მასწავლებელ გუანნა მკოიანის ხელმძღვანელობით, ქართული ენის დღისადმი მიძღვნილი ღონისძიება ჩატარდა. მის მიმდინარეობაში თითოეული მოსწავლე დიდი მონდომებით, ინტერესითა და ხალისით ჩაერთო, მათ შესაძლებლობები გამოავლინეს და დრო ნაყოფიერად გაატარეს.