ქობულეთის მუნიციპალიტეტის სოფელ ჩაისუბნის N2 საჯარო სკოლაში მოსწავლეთა ჯანსაღი ცხოვრების წესითა და სპორტით დაინტერესებაზე პროფესიონალ პედაგოგთა გუნდი ზრუნავს.
ამ მიმართულებით კი, არაერთი თემატური აქტივობა ეწყობა. ამჯერად, სპორტულ-გასართობი შეჯიბრი - „მხიარული სტარტები“ გაიმართა. მასში დაწყებითი საფეხურის მოსწავლეები უდიდესი მონდომებით, ხალისითა და ინტერესით ჩაერთნენ.
მოსწავლეებმა სპორტული შესაძლებლობები წარმოაჩინეს და ღირსეულად იასპარეზეს. გამარჯვებული კი, IVბ კლასი გახდა. აღსანიშნავია, რომ ღონისძიება სპორტის მასწავლებლების - თამაილა მაკარაძის, რამინ კონცელიძისა და მურმან კონცელიძის ჩართულობით ჩატარდა.
„მსგავსი აქტივობები ხელს უწყობს მოსწავლეებში ჯანსაღი ცხოვრების წესის დამკვიდრებას და სპორტულ აქტივობებში მოსწავლეთა ჩართულობის გაზრდას“,- ამბობენ სკოლაში.
იხილეთ ფოტოები:
