„მადლობა თავისუფლებისთვის“- მულახის საჯარო სკოლის მე-4 კლასში 9 აპრილს პერფორმანსი მიეძღვნა
11-04-2024
მესტიის მუნიციპალიტეტის სოფელ მულახის საჯარო სკოლის მასწავლებლები ზრუნავენ, რომ სამშობლოს ღირსეული და პატრიოტი მომავალი თაობა აღუზარდონ.
ამიტომაც, სკოლაში უახლესი ისტორიის სწავლებას დიდი ყურადღება ეთმობა. ამჯერად, მეოთხე კლასის მოსწავლეებმა 9 აპრილს პერფორმანსი - „მადლობა თავისუფლებისთვის“ მიუძღვნეს. მათ აღნიშნეს, რომ ეს თარიღი, ერთდროულად, გამარჯვებისა და გლოვის დღეა.
მოსწავლეებმა საინფორმაციო ფილმი ნახეს და 9 აპრილის შესახებ ცოდნა გაიღრმავეს. შემდეგ კი, საკლასო ოთახში პატარა მემორიალური დაფა, სახელწოდებით - „მადლობა თავისუფლებისთვის“ მოაწყვეს.
შეგახსენებთ, რომ 1989 წლის 9 აპრილს გამთენიისას თბილისში, რუსთაველის გამზირზე, საბჭოთა კავშირის სადამსჯელო ნაწილებმა მშვიდობიანი საპროტესტო აქცია დაარბიეს. შედეგად, დაიღუპა 21 ადამიანი, 2000-ამდე პირი კი მოიწამლა. ზუსტად 2 წლის შემდეგ, საქართველოს უზენაესმა საბჭომ, ზვიად გამსახურდიას მეთაურობით, საქართველოს დამოუკიდებლობის აქტი მიიღო. 9 აპრილი საქართველოს უახლეს ისტორიაში ტრაგედიისა და ამავდროულად, საქართველოს დამოუკიდებლობის აღდგენის დღედ ჩაეწერა.
იხილეთ ფოტოები:
ამიტომაც, სკოლაში უახლესი ისტორიის სწავლებას დიდი ყურადღება ეთმობა. ამჯერად, მეოთხე კლასის მოსწავლეებმა 9 აპრილს პერფორმანსი - „მადლობა თავისუფლებისთვის“ მიუძღვნეს. მათ აღნიშნეს, რომ ეს თარიღი, ერთდროულად, გამარჯვებისა და გლოვის დღეა.
მოსწავლეებმა საინფორმაციო ფილმი ნახეს და 9 აპრილის შესახებ ცოდნა გაიღრმავეს. შემდეგ კი, საკლასო ოთახში პატარა მემორიალური დაფა, სახელწოდებით - „მადლობა თავისუფლებისთვის“ მოაწყვეს.
შეგახსენებთ, რომ 1989 წლის 9 აპრილს გამთენიისას თბილისში, რუსთაველის გამზირზე, საბჭოთა კავშირის სადამსჯელო ნაწილებმა მშვიდობიანი საპროტესტო აქცია დაარბიეს. შედეგად, დაიღუპა 21 ადამიანი, 2000-ამდე პირი კი მოიწამლა. ზუსტად 2 წლის შემდეგ, საქართველოს უზენაესმა საბჭომ, ზვიად გამსახურდიას მეთაურობით, საქართველოს დამოუკიდებლობის აქტი მიიღო. 9 აპრილი საქართველოს უახლეს ისტორიაში ტრაგედიისა და ამავდროულად, საქართველოს დამოუკიდებლობის აღდგენის დღედ ჩაეწერა.
იხილეთ ფოტოები:
სკოლების სიახლეები
