ჩოხატაურის მუნიციპალიტეტის სოფელ შუასურების საჯარო სკოლაში, სასწავლო წლის განმავლობაში მრავალფეროვანი აქტივობები იმართება.
ახლახან, სკოლაში გაზაფხულისადმი მიძღვნილი ღონისძიება - „გაზაფხული ლამაზი“ ჩატარდა. ის ქართული ენისა და ლიტერატურის, ხელოვნებისა და მუსიკის მასწავლებლების ურთიერთთანამშრომლობით გაიმართა.
ღონისძიებაში 1-ელი - მე-5 კლასის მოსწავლეები მონაწილეობდნენ. მათ შესაძლებლობები გამოავლინეს, დრო ნაყოფიერად გაატარეს და გაზაფხულის შესახებ ისაუბრეს.
მოსწავლეებმა ღონისძიება სიმღერით - „გაზაფხული“ გახსნეს, ლექსები წაიკითხეს და სასკოლო საზოგადოების წინაშე ჩანახატები წარადგინეს. გარდა ამისა, მუსიკალური კომპოზიცია გამართეს. მათ აყვავებული ხეები შექმნეს, რაც თვალწარმტაცი სანახავი იყო. „ტყემლის ყვავილს ფიფქი სცვივა, ატმებს ცეცხლი გასჩენია“ - გრიგოლ აბაშიძის ლამაზი ლექსის ეს სიტყვები გასდევდა ლაიტმოტივად ღონისძიებას.
ღონისძიებას მასწავლებლები, მოსწავლეები და მშობლები ესწრებოდნენ.
იხილეთ ვიდეო და ფოტოები:
