ოტია იოსელიანის სახელობის ქალაქ წყალტუბოს N1 საჯარო სკოლაში დედაენის დღის აღსანიშნავი კვირეული დაიწყო.
პირველივე დღეს, მე-6ა კლასში, დამრიგებელის - თამილა ჭოლაძისა და ქართული ენისა და ლიტერატურის მასწავლებლის - დოდო ხაჩიძის ხელმძღვანელობით, ჩატარდა საჩვენებელი გაკვეთილი, კომპლექსური დავალების პრეზენტაცია, თემაზე - „ვქმნით პოსტერებს „ვეფხისტყაოსნის აფორიზმებზე“.
მოსწავლეებმა, სურვილისამებრ შერჩეული აფორიზმების მიხედვით, სკოლაში წარადგინეს პოსტერები, ისაუბრეს შოთა რუსთაველის დამსახურებაზე, აფორიზმების აზრობრივ დატვირთვასა და მნიშვნელობაზე, წარმოდგენილი მასალის არჩეულ აფორიზმთან შესაბამისობაზე.
სკოლაში აღნიშნავენ, რომ აქტივობით მოსწავლეებს განუვითარდათ პრეზენტაციის, კვლევა-ძიების, ინფორმაციის დახარისხების, ანალიზის და შეფასების უნარები.
აღსანიშნავია, რომ სკოლის დირექტორმა, ფაქიზო ფანჩულიძემ და დირექტორის მოადგილე დალი სილაგაძემ დადებითად შეაფასეს გაკვეთილი, მოსწავლეთა ნაშრომები და უსურვეს მათ წარმატებები.
იხილეთ ფოტოები:
