ნინოწმინდის მუნიციპალიტეტის სოფელ გორელოვკის N2 საჯარო სკოლაში მოსწავლეების ღირსეულ მოქალაქეებად ჩამოყალიბებაზე აქტიურად ზრუნავენ. ამ მიზნით კი, მნიშვნელოვან თარიღებს ყოველთვის შესაბამისი ღონისძიებები ეძღვნება. 

ამჯერად, სკოლაში 1989 წლის 9 აპრილს დაღუპულთა ხსოვნას პატივი მიაგეს. თემატური აქტივობა კონსულტანტ-მასწავლებლის - ლია მარგიშვილის ხელმძღვანელობით გაიმართა. 

აღსანიშნავია, რომ ამ დღეს ორი დიდი ისტორიული კონტექსტი აქვს - საქართველოს სახელმწიფოებრივი დამოუკიდებლობის აღდგენის აქტის მიღება და საქართველოს ეროვნული ერთიანობის, სამოქალაქო თანხმობისა და სამშობლოსათვის დაღუპულთა მოგონება.

მოსწავლეებმა 1989 წლის 9 აპრილის ტრაგიკული მოვლენები გაიხსენეს, მათ ამ დღისა და მისი შედეგების შესახებ ისაუბრეს.

შეგახსენებთ, რომ 1989 წლის 9 აპრილს გამთენიისას თბილისში, რუსთაველის გამზირზე, საბჭოთა კავშირის სადამსჯელო ნაწილებმა მშვიდობიანი საპროტესტო აქცია დაარბიეს. შედეგად, დაიღუპა 21 ადამიანი, 2000-ამდე პირი კი მოიწამლა. ზუსტად 2 წლის შემდეგ, საქართველოს უზენაესმა საბჭომ, ზვიად გამსახურდიას მეთაურობით, საქართველოს დამოუკიდებლობის აქტი მიიღო. 9 აპრილი საქართველოს უახლეს ისტორიაში ტრაგედიისა და ამავდროულად, საქართველოს დამოუკიდებლობის აღდგენის დღედ ჩაეწერა. 

იხილეთ ფოტოები: