წალენჯიხის მუნიციპალიტეტის საჩინოს თემის N2 საჯარო სკოლის პედაგოგები მოსწავლეების კულტურულ განვითარებაზე ზრუნავენ და მათ სხვადასხვა საინტერესო აქტივობას სთავაზობენ.
ამჯერად, დაწყებითი საფეხურის მოსწავლეები, მშობლები და მასწავლებლები სენაკის აკაკი ხორავას სახელობის თეატრში, ზღაპრის - „ჩიპოლინოს“, წარმოდგენას დაესწრნენ.
როგორც სკოლაში აღნიშნავენ, თეატრში სასკოლო საზოგადოებას აღმაფრთოვანებელი გარემო დახვდათ, აღსანიშნავია, რომ მისვლამდე დაწყებითი კლასის მასწავლებლებმა და ბიბლიოთეკარმა მოსწავლეებს წაუკითხეს ზღაპარი და გააცნეს პერსონაჟები.
როგორც სკოლაში აფასებენ, პერსონაჟების კოსტუმები და დეკორაციები შესრულებული იყო უმაღლეს დონეზე, რამაც ყველა ასაკის მაყურებლის გაოცება გამოიწვია.
სკოლაში გააზრებული აქვთ, რომ მსგავსი აქტივობები არაფორმალურ გარემოში და მშობლების ჩართულობით ეხმარებიან მოსწავლეებს ფანტაზიის, დამოუკიდებლობის, გააზრების, დაკვირვების და სხვა უნარების განვითარებაში.
იხილეთ ფოტოები:
