მარტვილის მუნიციპალიტეტის სოფელ დიდი ჭყონის N1 საჯარო სკოლის პედაგოგები სწავლებისას საინტერესო, მრავალფეროვან მეთოდებს იყენებენ.
ამჯერად, მე-8 კლასში, ქართული ენისა და ლიტერატურის წამყვანი მასწავლებლის - ნონა თოდუას ხელმძღვანელობით ჩატარდა ეფექტური გაკვეთილი „სწავლა კეთებით“ მეთოდის გამოყენებით, თემაზე - „სოლომან მორბელაძე“.
მოსწავლეებმა, კლასში, მოაწყვეს მოთხრობის მთელი სიუჟეტის მოკლე, კოსტუმირებული ინსცენირება.
საგაკვეთილო პროცესში ჩართული იყო ყველა მოსწავლე.
„მათ გააცოცხლეს კლასიკური ნაწარმოების პერსონაჟები და გაიაზრეს ნაწარმოების მთავარი სათქმელი - როდის მიეცემა ადამიანს თავის რჩენის შესაძლებლობა ღირსეული, ლეგიტიმური გზებით, სინდისის ქენჯნის გარეშე“, - აღნიშნავენ სკოლაში.
აღნიშნულ დღეს მათ შემოქმედებითი უნარები შესანიშნავად წარმოაჩინეს, დრო კი ნაყოფიერად გაატარეს.
მსგავსი აქტივობები და გაკვეთილები სასწავლო პროცესში მოსწავლეთა ჩართულობას ზრდის.
იხილეთ ფოტოები:
