„ზესტაფონის მომავლის სკოლაში“ მოსწავლეთა წიგნიერების დონის ამაღლება ერთ-ერთი პრიორიტეტული საკითხია, შესაბამისად, ამ მიმართულებით სკოლაში, არაერთი ღონისძიება იმართება.
მათ შორის, მე-4 კლასის მოსწავლეებმა აღნიშნეს საბავშვო წიგნის საერთაშორისო დღე საინტერესო, მრავალფეროვანი და მხიარული აქტივობებით დატვირთული ინტეგრირებული პროექტ-გაკვეთილით.
პროექტ-გაკვეთილი საგნების - ქართული ენა/ლიტერატურა და ინგლისური ენა ინტეგრირებით განხორციელდა და მოსწავლეებისთვის სასწავლო-შემეცნებითთან ერთად, სახალისო და თავშესაქცევი აღმოჩნდა. მოსწავლეებმა მარია პარის მოთხრობის - „ვაფლის გულები“ წაკითხვის შემდეგ ვაფლი გამოაცხვეს.
პროექტ-გაკვეთილს მასწავლებლები - ქეთევან კვესიტაძე და ირინე ბეროზაშვილი ხელმძღვანელობდნენ.
„საკლასო ოთახში სასიამოვნო ვაფლის სურნელი ტრიალებდა. ეს კი ძალიან მნიშვნელოვანი კომპონენტი იყო, რადგან მოსწავლეებმა წაიკითხეს ნორვეგიელი საბავშვო მწერლის - მარია პარის მოთხრობა „ვაფლის გულები“, - გვიყვებიან სკოლაში, სადაც მოსწავლეებს მეტად საინტერესო და სახალისო სასწავლო პროცესს სთავაზობენ.
იხილეთ ფოტოები:
