აკაკი ჩხენკელის სახელობის ქალაქ ხონის N2 საჯარო სკოლის მოსწავლეები პირველადი სამედიცინო დახმარების წესებს საინტერესო პროექტით ისწავლიან.
სამოქალაქო განათლების ფარგლებში, სკოლაში, ახლახან, დაიწყო განხორციელება მცირე საგრანტო კონკურსში დაფინანსებული პროექტის სახელწოდებით - „ახალგაზრდა პარამედიკოსები ჯანმრთელობის სადარაჯოზე“.
„პროექტის მიზანია ახალგაზრდა ბენეფიციარებს შევძინოთ თეორიული და პრაქტიკული ცოდნა პირველადი სამედიცინო დახმარებისა და საგანგებო სიტუაციებში ეფექტიანი და სასარგებლო ქცევის მიმართულებით“,- გვეუბნებიან სკოლაში და დასძენენ, რომ გრანტის ფარგლებში სკოლა აღიჭურვა საგანგებო სიტუაციების მართვის შესაბამისი ინვენტარით. პროექტში ჩართულნი არიან მე-9, მე-10, მე-11 კლასის მოსწავლეები.
პროექტის პირველი აქტივობა უკვე გაიმართა. პროექტის ხელმძღვანელმა მაია მაჭარაძემ ჩაატარა საჩვენებელი ლექცია, სადაც ხელმძღვანელმა მოსწავლეებთან ერთად განიხილა საკითხის არსი და წარმოადგინა მისი მნიშვნელობის ილუსტრაცია.
იხილეთ ფოტოები:
