„ქართლის ბედი თუ უბედობა“ - საინტერესო პროექტ-გაკვეთილი ხონის N2 საჯარო სკოლაში
05-04-2024
აკაკი ჩხენკელის სახელობის ქალაქ ხონის N2 საჯარო სკოლაში, საინტერესო პროექტ-გაკვეთილი - „ქართლის ბედი თუ უბედობა“, გაიმართა.
პროექტი მე-9 კლასში, ნიკოლოზ ბარათაშვილის პოემის „ბედი ქართლისას“, შესწავლის შემდეგ განხორციელდა.
მოსწავლეებმა, გაკვეთილზე მრავალფეროვანი პრეზენტაციები წარადგინეს და განიხილეს საკითხები:
ბარათაშვილის გენეალოგია; მე-18 საუკუნის დასასრულისა და მე-19 საუკუნის დასაწყისის საქართველოს მდგომარეობა; მეფე ერეკლე; გეორგიევსკის ტრაქტატი; „ბედი ქართლისა“, როგორც ბარათაშვილის პროექტი.
ასევე მოსწავლეებმა, პოემის მიხედვით დაწერილი სცენარი სასკოლო საზოგადოებას გააცნეს.
აღსანიშნავია, რომ პროექტ-გაკვეთილს ქართული ენისა და ლიტერატურის მასწავლებელი ლეილა ჯიშკარიანი ხელმძღვანელობდა.
იხილეთ ფოტოები:
სკოლების სიახლეები
