ქუთაისის N17 საჯარო სკოლაში დიდი ყურადღება ეთმობა მოსწავლეთა წახალისებას, აქტიურად ჩაერთონ სხვადსხვა საგანმანათლებლო ინიციატივაში და თავიანთი იდეები ფართო საზოგადოებას გააცნონ.
ამჯერად, მე-73 კლასის მოსწავლეები მონაწილეობდნენ „ალტე უნივერსიტეტის“ საინფორმაციო ტექნოლოგიების სკოლის მიერ ორგანიზებულ პროექტში - Teens In AI 2024.
აღსანიშნავია, რომ Teens In AI-მ 2018 წლიდან მსოფლიოს 45 ქვეყნის 12 000 თინეიჯერი გააერთიანა, რათა AI-ს დახმარებით კონკრეტული პრობლემების გადაჭრის გზები ეპოვათ. პროექტი მიზნად ისახავს მოსწავლეებში ხელოვნური ინტელექტის პოპულარიზაციასა და ცნობიერების ამაღლებას.
ორ გუნდად დაკომპლექტებულ მოსწავლეთა გუნდებს მენტორობას უწევდნენ ინგლისური ენის პედაგოგები: ელეონორა ბრეგვაძე და სალომე ჭიჭინაძე.
აღსანიშნავია, რომ პროექტი ორი ეტაპისგან შედგებოდა:
Teens in AI-ის განმავლობაში, გუნდებმა შეიმუშავეს და განახორციელეს პროექტები, რომელიც ეხებოდა გაეროს მდგრადი განვითარების მიზნებიდან ერთ-ერთ მიზანს და ტექნოლოგიებს, ხელოვნური ინტელექტის საშუალებით გადაჭრეს ამ მიზნის გარშემო არსებული პრობლემა.
აღსანიშნავია, რომ პრეზენტაცია ინგლისურ ენაზე მიმდინარეობდა.
პროექტის დასასრულს მოსწავლეები და მასწავლებლები სერტიფიკატებით დაჯილდოვდნენ.
იხილეთ ფოტოები:
