აკაკი წერეთლის სახელობის ქუთაისის N1 საჯარო სკოლაში სასწავლო წელი საინტერესო და მრავალფეროვანი აქტივობებითაა დატვირთული.
ამჯერად, სკოლაში, არჩევითი საგნის - „მეწარმეობის საფუძვლების“ ფარგლებში, მოეწყო ორცხობილების გამოფენა-გაყიდვა, რომელიც ამავე სკოლის მოსწავლეთა დაარსებულმა კომპანიამ „ORLIPE“ დაამზადა.
მოსწავლეებმა, მეწარმეობის საფუძვლების მასწავლებელთან - ქეთევან ხაბეიშვილთან ერთად გაწერეს და განახორციელეს პროექტი, რომელიც მიეძღვნა ქალთა დღეს.
„აღნიშნული აქტივობით ჩვენმა ახალბედა მეწარმეებმა მიაღწიეს დასახულ მიზანს. შედეგად აუმაღლდათ თვითშეფასება და განუვითარდათ მეწარმეობისთვის აუცილებელი უნარ-ჩვევები“, - აღნიშნავენ სკოლაში.
მათ მიიღეს უკუკავშირი, რეკომენდაციები თანატოლებისა და პედაგოგებისგან.
მსგავსი აქტივობები და პროექტები მოსწავლეთა მრავალმხრივ განვითარებას უწყობს ხელს.
იხილეთ ფოტოები:
