ქედის მუნიციპალიტეტის სოფელ ახოს N1 საჯარო სკოლის პედაგოგები მოსწავლეებს მრავალფეროვან სასკოლო ცხოვრებას სთავაზობენ. იმართება არაერთი ღონისძიება, რაც მოსწავლეთა ცოდნის, ნიჭისა და შესაძლებლობების წარმოჩენა-წახალისებას და რაც მთავარია, მოტივაციის ამაღლებას ემსახურება.
მათ, შორის ახოს N1 საჯარო სკოლაში აღინიშნა დედის დღე. გაზაფხულის პირველ და ერთ-ერთ ყველაზე ლამაზ დღესასწაულს წარმტაცი ღონისძიება მიეძღვნა, რომელსაც ორგანიზება გაუწია ქართული ენისა და ლიტერატურის პედაგოგმა, მანანა ცინარიძემ.
„დედა - სიცოცხლის წყაროა, გულწრფელი, უანგარო სიყვარულის და სიხარულის გამზიარებელი“- ლაიტმოტივად გასდევდა ეს სიტყვები ღონისძებას, რომელმაც გულგრილი არავინ დატოვა.
ბავშვებმა დიდი სიყვარულით წარმოადგინეს სხვადასხვა ნომერი და მიწვეულ დედებს გაზაფხულის ულამაზესი დღესასწაული კიდევ უფრო გაულამაზეს.
იხილეთ ფოტოები:
