ნინოწმინდის N1 საჯარო სკოლაში სასწავლო წელი საინტერესო და მრავალფეროვანი აქტივობებითაა დატვირთული, რომლებშიც ბავშვები დიდი ენთუზიაზმით ერთვებიან.
ამჯერად, სკოლაში, ღია ცის ქვეშ თემაზე: „კავკასიის ღირსშესანიშნაობები“ მე-10 კლასის მოსწავლეთა მონაწილეობითა და გეოგრაფიის მასწავლებლის - ვარდანუშ სეირანიანის ხელმძღვანელობით საინტერესო ღონისძიება გაიმართა.
ბავშვები კავკასიის ისტორიულ ძეგლებს, ღირსშესანიშნაობებს გაეცნენ, მათ შესახებ საინტერესო ინფორმაციები მოიძიეს, რომლებიც სასკოლო საზოგადოების წინაშე წარადგინეს.
ღონისძიება ასევე დატვირთული იყო მუსიკალური ნომრებით - ცეკვებითა და სიმღერებით, რომლებიც ბავშვებმა შესანიშნავად შეასრულეს.
ეს დღე თითოეული მოსწავლისთვის შემეცნებითი, ინფორმაციული და ძალიან საინტერესო იყო.
მსგავსი აქტივობები სასწავლო პროცესში მოსწავლეთა აქტიურ ჩართულობას უწყობს ხელს.
იხილეთ ფოტოები
