წალენჯიხის მუნიციპალიტეტის საჩინოს თემის N1 საჯარო სკოლაში მოსწავლეთა მოტივაციის ამაღლებაზე ორიენტირებული საინტერესო სასწავლო გარემოა შექმნილი.
ამჯერად, სკოლაში, საინტერესო ღონისძიება სახელწოდებით - „ერის ისტორია-ჩვენი სიმდიდრე და სიამაყეა“ ჩატარდა.
ღონისძიებაზე მე-8 კლასის მოსწავლეებმა საინტერესო ფორმატში დეტალურად წარმოადგინეს საქართველოს ისტორია ჩვენს წელთაღრიცხვამდე.
წარმოდგენილი საკითხების ირგვლივ მსმენელებთან ერთად გაიმართა საინტერესო დისკუსია. მოსწავლეებმა იმსჯელეს და მოსაზრებები დამსწრე საზოგადოებას გაუზიარეს.
ბოლოს სკოლის დირექტორმა - კახაბერ ფიფიამ შეაჯამა ღონისძიება. მან მადლობა გადაუხადა მოსწავლეებს აქტიურობისთვის.
„მადლობა მოსწავლეებს აქტიურობისთვის, კოლეგებს. მადლობა დირექციას ინიციატივისა და თანადგომისათვის“, - აღნიშნავენ სკოლაში.
იხილეთ ფოტოები:
