წმინდა გაბრიელ ეპისკოპოსის სახელობის ოზურგეთის მუნიციპალიტეტის სოფელ ბახვის საჯარო სკოლის მოსწავლეები სხვადასხვა ოლიმპიადასა და კონკურსში დიდი მონდომებით ერთვებიან, სადაც წარმატებას აღწევენ.

ერთ-ერთი ასეთი მოსწავლეა მე-3 კლასელი ანდრია ნაჭყებია, რომელიც კომბინირებული ოლიმპიადის (ქართული ენა და ლიტერატურა, მათემატიკა და ბუნებისმეტყველება) ფინალურ ტურში წარმატებით მონაწილეობდა.

მოსწავლე ამ მიღწევისთვის სერტიფიკატით დაჯილდოვდა. ასევე, მადლობის სიგელი გადაეცა სკოლის დირექტორს - მზია ვაშალომიძეს კომბინირებულ ოლიმპიადაში მე-3 კლასის მოსწავლის, ანდრია ნაჭყებიას ფინალურ ტურში მიღწეული წარმატების ხელშეწყობისთვის.

სკოლაში მესამეკლასელის მიღწევით ამაყობენ, ულოცავენ და კიდევ ბევრ აღიარებას უსურვებენ.

იხილეთ ფოტოები: