დანისპარაულის საჯარო სკოლის მე-8 კლასის მოსწავლეებმა ტყის საერთაშორისო დღე აღნიშნეს
ხულოს მუნიციპალიტეტის სოფელ დანისპარაულის საჯარო სკოლაში სასწავლო წელი მოსწავლეთა განვითარებასა და მოტივირებაზე ორიენტირებული აქტივობებითაა გაჯერებული.
სასკოლო საზოგადოება კი მნიშვნელოვან თარიღებს ყოველთვის შესაბამისად აღნიშნავს. ახლახან, მე-8 კლასში, ტყის საერთაშორისო დღესთან დაკავშირებით, თემატური აქტივობა გაიმართა.
მის მიმდინარეობაში მოსწავლეები ბიოლოგიის მასწავლებლის და ეკოკლუბის ხელმძღვანელის ნაირა გელაძის ორგანიზებით ჩაერთნენ. მათ აღნიშნული საკითხის შესახებ ისაუბრეს, დრო ნაყოფიერად გაატარეს და ნამუშევრები დაამზადეს.
სკოლაში მოსწავლეთა შესაძლებლობების წარმოჩენასა და ინტერესებზე მორგებული მრავალფეროვანი სასწავლო გარემოა შექმნილი.
იხილეთ ფოტოები: