სწორედ ამ მიზნით, ბარალეთის N1 საჯარო სკოლაში არაერთი აქტივობა ტარდება და ახლახან, სომხური ენის მასწავლებლის, ჰოვინე ხეჩოიანის ხელმძღვანელობით, გაიმართა „პარუირ სევაკ“- მწერლისადმი მიძღვნილი ღონისძიება.

„აღსანიშნავია, რომ პარუირ სევაკის ნამუშევრებს ძალიან დიდი მნიშვნელობა აქვს სომეხი ხალხის ცხოვრებაში... შეუძლებელია წაიკითხო და სიამოვნება არ იგრძნო მისი შემოქმედებისაგან“, - ასე აფასებენ მწერლის შემოქმედებას ბარალეთის N1 საჯარო სკოლაში და გვიამბობენ, რომ ღონისძიების ფარგლებში მოსწავლეებმა წაიკითხეს რამდენიმე ეპიზოდი სევაკის ცხოვრებიდან, ლექსები და ემოციებით დატვირთული კიდევ ერთი დღე ჩაწერეს მშობლიური სკოლის ისტორიაში.