ნოდარ დუმბაძის სახელობის ქალაქ ოზურგეთის N2 საჯარო სკოლის პედაგოგები მოსწავლეებს ღირსეულ მოქალაქეებად ზრდიან და საგნობრივ დისციპლინებთან ერთად, კაცთმოყვარეობასა და სიკეთის კეთებას ასწავლიან.
ახლახან, სამოქალაქო განათლების პროგრამის ეგიდით, მცირე საგრანტო პროექტის - „ხელი ჩავკიდოთ საერთო მიზნებისთვის“ ფარგლებში მშობელთა კლუბის - „აქტიური მშობელი“ ინიციატივით, მოეწყო საქველმოქმედო აქცია - კულინარიის დღე ნინის დასახმარებლად.
აქციის საშუალებით საქველმოქმედო ანგარიშზე ჩაირიცხა 6010 ლარი და 100 დოლარი.
სკოლაში მადლობას უხდიან ყველას ვინც აქციაში მიიღო მონაწილეობა.
„მადლობა გვინდა გადავუხადოთ მშობლებს, რომლებმაც თავიანთ შვილებს დღეს სიკეთის გაკვეთილები ჩაუტარეს. მადლობა, ჩვენო საიმედო მშობლებო, თანაგრძნობისა და თანადგომისთვის“,- აღნიშნავენ სკოლაში.
იხილეთ ფოტოები:
