ახმეტის მუნიციპალიტეტის სოფელ მატნის N1 საჯარო სკოლაში სასწავლო წელი აქტიურად მიმდინარეობს. 

სასკოლო საზოგადოება კი მნიშვნელოვან თარიღებს შესაბამისი აქტივობებით აღნიშნავს. ამჯერად, მე-5^ა კლასის მოსწავლეებმა საყვარელ დედიკოებს 3 მარტი მიულოცეს. მათ მშობლებს სახალისო აქტივობებითა და ემოციებით დატვირთული სიურპრიზი მოუწყვეს. 

მოსწავლეები აქტივობაში კლასის დამრიგებლის მარინა ახალაურის ხელმძღვანელობით ჩაერთნენ. მათ შესაძლებლობები გამოავლინეს, დრო ნაყოფიერად გაატარეს და საყვარელი ადამიანები გაახარეს. 

განსაკუთრებით აღსანიშნავია, რომ სადღესასწაულო განწყობას ბუშტებითა და შესაბამისი დეკორაციით მორთული გარემო კიდევ უფრო ამაღლებდა.