ყვარლის მუნიციპალიტეტის სოფელ გრემის საჯარო სკოლაში ღირსეულ მოაქალაქეებს ზრდიან და მათ ტოლერანტობას ასწავლიან. შესაბამისად სხვადასხვა მნიშვნელოვან საკითხზე მოსწავლეთა ცნობიერების ამაღლებას დიდი ყურადღება ეთმობა. 

სწორედ ამ მიზნით, სკოლა შეუერთდა საერთაშორისო კამპანიას, რომელიც დაუნის სინდრომის შესახებ ცნობიერების ამაღლების დღეს ეძღვნება. 

„ერთად დავასრულოთ სტერეოტიპები“, - ამ დევიზის ირგვლივ გაერთიანდნენ მოსწავლეები, ამ დღის არსსა და მნიშვნელობას გაეცნენ და სინდრომის შესახებ გავრცელებული მითები დაამსხვრიეს. 

აღსანიშნავია, რომ დღე ძალიან საინტერესო, ინფორმაციული და შემეცნებითი აღმოჩნდა, მოსწავლეებმა კიდევ უფრო გაიღრმავეს ცოდნა აღნიშნული საკითხის შესახებ. 

იხილეთ ფოტოები: